Իսպանիայում եկեղեցու վրա սրով իրականացված հարձակման հետևանքով կա 1 զոհ, 4 վիրավոր
Իսպանիայի իշխանությունները հայտարարել են, որ եկեղեցիներից մեկի վրա սրով զինված անձի իրականացրած հարձակման հետևանքով, եկեղեցու սպասավորը զոհվել է, իսկ քահանան և մի քանի քաղաքացիներ՝ վիրավորել:
Իսպանիայի ՆԳ նախարարությունը հայտարարել է, որ հարավային Ալ Խեսիրաս նավահանգստում եկեղեցու վրա սրով հարձակման հետևանքով մեկ մարդ զոհվել է, ևս 4-ը՝ ծանր վիրավորվել։
Հարձակվողը ձերբակալվել է, սակայն նրա ինքնության մասին դեռևս որևէ հայտարարություն չի արվել:
ՆԳՆ-ն հայտնել է, որ հարձակումը տեղի է ունեցել Սան Իսիդրո եկեղեցում և քահանա Անտոնիո Ռոդրիգեսը ծանր վիրավորվել է: Նշվում է նաև, որ նախքան եկեղեցու սրահ մուտք գործելը, հանցագործը հարձակվել է եկեղեցու սպասավոր Դիեգո Վալենսիայի վրա և սպանել նրան:
Իսպանիայի Ազգային դատարանը հայտարարել է, որ հետաքննություն է սկսել ահաբեկչության հավանականության կապակցությամբ։ Ալշեյրասը կարևոր նավահանգիստ է, և գտնվում է Իսպանիայի հարավում: