Newsweek-ի վերլուծությունն այն մասին՝ թե ինչու Սիոնիստական ռեժիմն ավելի անապահով դարձավ Նասրոլլահի սպանությունից հետո
Ամերիկյան Newsweek-ը մի հոդվածում նշել է, որ Սիոնիստական ռեժիմը սեպտեմբերի 27-ին նշել է Լիբանանում Հեզբոլլահի գլխավոր քարտուղար նահատակ Սեյեդ Հասան Նասրոլլահի սպանությունը և գրել. «Այս սպանությունը կարող է Իսրայելին դնել շատ ավելի անապահով իրավիճակում և տարածաշրջանը դարձնել ավելի անկայուն, քան նախկինում էր»։
Ըստ Parstoday-ի, ամերիկյան այս լրատվամիջոցը հավելել է. «Թեեւ Նասրոլլահն բոցաշունչ ելույթներ էր ունենում սիոնիստների դեմ եւ ղեկավարում Լիբանանի դիմադրության ճակատը ընդդեմ Սիոնիստական ռեժիմի, նա նաեւ հեռատես ու պրագմատիկ առաջնորդ էր»:
Newsweek-ի զեկույցում նշված է. «Նասրոլլահը շարունակեց այս հեռատեսությունը Գազայի պատերազմի ժամանակ և մեծ զսպվածություն դրսևորեց և փորձեց կենդանի և դինամիկ պահել դիմադրությունը՝ չներքաշելով Լիբանանը Սիոնիստական ռեժիմի հետ լայնածավալ պատերազմի մեջ»:
Ըստ ամերիկյան այս լրատվամիջոցի, Նասրոլլահի սպանությունը ոչ միայն չի հանգեցնի Հեզբոլլահի կործանմանը, այլ, հավանաբար, այս շարժումը կվերածվի Սիոնիստական ռեժիմի հետ բացահայտ հակամարտության, իսկ Սիոնիստական ռեժիմի դեմ Հեզբոլլահի ավելի լայն ու ավելի վնասակար ռազմական գործողությունները կավելանան:
Հաղորդման մեջ ընդգծվում է, որ ինչպես վկայում է պատմությունը, անվանի ղեկավարի հեռացումը հաճախ հանգեցնում է անկանխատեսելի և ավելի վտանգավոր իրավահաջորդի ի հայտ գալուն։