Իրաքի Էրբիլում կործանվել է ամերիկյան կոալիցիոն ուժերին պատկանող ԱԹՍ
Իրաքի Քուրդիստանի կենտրոն Էրբիլիում կործանվել է ամերիկյան կոալիցիոն ուժերին պատկանող ԱԹՍ:
Չնայած Բաղդադը և Վաշինգտոնը բանակցությունների մի քանի փուլ են անցկացրել Իրաքում ԻԼԻՊ-ի դեմ պայքարելու պատրվակով ամերիկյան ուժերի ներկայությունը դադարեցնելու վերաբերյալ, իսկ Իրաքի խորհրդարանն ընդունել է օտարերկրյա զորքերի դուրսբերման մասին օրենք, ԱՄՆ-ն շարունակում է իր ռազմական ներկայությունն այդ երկրում:
Shafaq News գործակալությունը, հղում անելով իրազեկ աղբյուրի, հայտնել է, որ Էրբիլ քաղաքի Սիբիրան համալիրի տներից մեկի մոտ անօդաչու թռչող սարք է ընկել՝ ավերածություններ առաջացնելով տարածքում: Աղբյուրը նշել է, որ ներքին անվտանգության ուժերը հետաքննություն են սկսել այս դեպքի կապակցությամբ:
Էրբիլում ներքին անվտանգության ուժերի խոսնակ Սաբահ Խիզրն ասել է. «Անօդաչու թռչող սարքը պատկանում է ԱՄՆ միջազգային կոալիցիոն ուժերին, որը կործանվել է ուսումնական թռիչքի ժամանակ՝ տեխնիկական անսարքության պատճառով»:
2020 թվականին, ամերիկյան որւժերի կողմից Իրաքի ինքնիշխանության բազմակի խախտումներից հետո, այդ երկրի խորհրդարանը հաստատեց Իրաքի տարածքից ամերիկյան զորքերի դուրսբերման մասին օրենքը:
