Պեկին. Ասիայում ՆԱՏՕ-ի ընդլայնումը վտանգում է տարածաշրջանի խաղաղությունն ու կայունությունը
Չինաստանի ԱԳՆ խոսնակը հայտարարել է. «ՆԱՏՕ-ի ընդլայնումն Ասիա-խաղաղօվկիանոսյան տարածաշրջանում կթուլացնի խաղաղությունն ու կայունությունը»։
Արձագանքելով Ճապոնիայում ՆԱՏՕ-ի գրասենյակի բացմանը, Մաո Նինգը հայտարարել է. «Ասիա-խաղաղօվկիանոսյան տարածաշրջանում դեպի Արևելք ՆԱՏՕ-ի շարունակական ընդլայնումը և դաշինքի միջամտությունը տարածաշրջանային գործերին անխուսափելիորեն կխաթարեն խաղաղությունն ու կայունությունը: Ասիան չպետք է դառնա աշխարհաքաղաքական մրցակցության ասպարեզ»:
Մաո Նինգը հավելել է. «Ասիայում ՆԱՏՕ-ի առաջխաղացման հետևանքով կձևավորվեն տարբեր բլոկներ, ինչը հատկապես պետք է անհանգստացնի տարածաշրջանի երկրներին»։
ՆԱՏՕ-ն հայտարարել է, որ պատրաստվում է վերաբացել կապի գրասենյակը Ճապոնիայում՝ հեշտացնելու խորհրդակցությունները Հնդկխաղաղօվկիանոսյան տարածաշրջանում:
Հայտարարվել է, որ գրասենյակը կնպաստի անվտանգության ոլորտում ՆԱՏՕ-ի գործընկերների, այդ թվում՝ Ավստրալիայի, Հարավային Կորեայի և Նոր Զելանդիայի հետ Չինաստանի և Ռուսաստանի աշխարհաքաղաքական մարտահրավերների հարցով երկխոսությանը:
Ճապոնիայի ԱԳՆ-ն և ՆԱՏՕ-ի խոսնակն այս հարցը չեն մեկնաբանել։
