Էրդողանը հայտարարել է, որ ընտրություններում հաղթելուց հետո կմեկնի Ադրբեջան
Թուրքիայի նախագահ Ռեջեփ Թայիփ Էրդողանը հայտարարել է, որ վաղը կայանալիք նախագահական ընտրություններում հաղթելու դեպքում կմենկնի մի շարք բարեկամ րեկրներ:
Թուրքական հեռուսատալիքներից մեկին տված հարցազրույցում Էրդողանն ասել է. «Հաղթանակից անմիջապես հետո ես կմեկնեմ բարեկամ երկրներ՝ Ադրբեջան, Կիպրոս և Պարսից ծոցի որոշ երկրներ»։
Նշելով, որ երկրաշարժը Թուրքիայի տնտեսության վրա արժեցել է ավելի քան 100 միլիարդ դոլար, նա հավելել է. «Ես քայլեր կձեռնարկեմ երկրաշարժից տուժած տարածքների վերականգնման գործընթացն արագացնելու համար»։
Նա նշել է, որ պատրաստ է պարտության դեպքում հեռանալ «ժողովրդավարական ճանապարհով», հավելելով. «Մենք կընդունենք ընտրությունների ցանկացած արդյունքի օրինականությունը»։
Թուրքիայում անցկացված հարցումների համաձայն՝ գործող նախագահի ու նրա գլխավոր մրցակից Քեմալ Քըլըչդարօղլուի միջև լարված պայքար է սպասվում: