Պեսկով.Կիևի ռեժիմը ներգրավված է Ռուսաստանի դեմ հանցագործություններում
Դատապարտելով Ուկրաինայի հետախուզության բարձրաստիճան աշխատակցի արած հայտարարությունը՝ ՌԴ նախագահի խոսնակն ասել է, որ Կիևի ռեժիմը ներգրավված է ռուս ժողովրդի դեմ իրականացված հանցագործություններում:
ՌԴ նախագահի մամուլի խոսնակ Դմիտրի Պեսկովը «Ռոսիա-1» հեռուստաալիքին տված հարցազրույցում դատապարտելով աշխարհի տարբեր ծայրերում գտնվող ռուս քաղաքացիներին սպանելու վերաբերյալ Ուկրաինայի պաշտպանության նախարարության հետախուզության վարչության պետ Կիրիլ Բուդանովի հայտարարությունը, ասել է,-«Այդ հայտարարությունը ևս մեկ անգամ հաստատում է, որ ՌԴ նախագահ Վլադիմիր Պուտինը իրավունք ուներ հատուկ ռազմական գործողություններ սկսել Ուկրաինայում»։
Դմիտրի Պեսկովը նաև ասել է, որ Ռուսաստանի քաղաքացիների սպանության հետևում կանգնած է Կիևի ռեժիմը, որը ոչ միայն աջակցում է այդ սպանությանը, այլև կազմակերպում, հրահրում և կատարում է դրանք։
«Ուկրաինան հիմնականում դարձել է ահաբեկչության ջատագով, ինչը հաշվի առնելով Ռուսաստանը կմշակի իր քաղաքականությունը» ասել է Պեսկովը:
