Քըլըչդարօղլուն խոսել է Իրանից Թուրքիա-Չինաստան երկաթուղու իր ծրագրի մասին
Թուրքիայի նախագահական ընտրությունների թեկնածու Քեմալ Քըլըչդարօղլուն հայտարարել է. «Ոչ ոք չպետք է նեղանա Իրանի տարածքով (շրջանցելով Ադրբեջանի տարածքը) Թուրքիա-Չինաստան երկաթգիծ կառուցելու իմ ծրագրից։ Բոլոր թուրքական կուսակցությունները նույն կարծիքն ունեն Ադրբեջանի (այդ թվում՝ Էրդողանը և իշխող կուսակցությունը): Եվ նրանք չեն կարող այլ տեսակետ ունենալ»։
Քըլըչդարօղլուն հավելել է. «Զանգեզուրի միջանցքը պետք է կառուցվի, իսկ թուրքական աշխարհի երկրների միջև հարաբերությունները պետք է ընդլայնվեն»:
Նա հավելել է. «Եթե ես ընտրվեմ նախագահ, Հյուսիսային Կիպրոսից (թուրքական պաշտոնական գաղութ) կմեկնեմ Ադրբեջանի (կիսապաշտոնական թուրքական գաղութ)»:
Ավելի վաղ, Էրդողանը հայատարարել էր, որ ընտրություններում հաղթելուց հետո առաջին այցը կիրականացնի Ադրբեջան: Թուրքիայի նախագահական ընտրությունների առաջին փուլում Բաքուն աջակցում էր Էրդողանին:
Իրանն ու Հայաստանը բազմիցս հայտարարել են, որ դեմ են Զանգեզուրի միջանցքին և զգուշացրել են տարածաշրջանի սահմանների աշխարհաքաղաքական ցանկացած փոփոխության կապակցությամբ: