Բաքուն հերքել է դեպի Թեհրան թռիչքների չհայտարարված դադարեցման մասին լուրերը
Բաքուն հերքել է Հեյդար Ալիևի անվան միջազգային օդանավակայանից դեպի Թեհրան չվերթերի չհայտարարված դադարեցման մասին լուրերը, նշելով, որ բոլոր չվերթները կիրականացվեն սովորական ռեժիմով։
Կիրակի օրը որոշ լրատվական ալիքներ հայտարարեցին, որ Բաքուն դադարեցրել է դեպի Իրան թռիչքները, առանց այդ մասին պաշտոնապես հայտարարելու: Հարկ է նշել, որ Թեհրանի և Բաքվի հարաբերությունները սրելու թշնամիների դավադրությունների չեզոքացման հարցն օրերս քննարկել են Իրանի և Ադրբեջանի ԱԳ նախարարներ Հոսեյն Ամիր Աբդոլլահյանը և Ջեյհուն Բայրամովը։
Հեռախոսզրույցում Ամիր Աբդոլլահյանն անդրադառնալով տարածաշրջանի երկրների միասնության, անվտանգության և առաջընթացի դեմ ուղղված՝ Սիոնիստական ռեժիմի սադրանքներին, նշել էր. «Տարածաշրջանի երկրների տարաձայնություններից շահում են միայն թշնամիները»: Նախարարներն ընդգծել էին նաև մեդիա ոլորտը երկու ժողովուրդների և երկու երկրների շահերին համահունչ կառավարելու անհրաժեշտությունը։
Ավելի վաղ Ադրբեջանի ԱԳՆ Այհան Հաջիզադեն ընդգծել էր Իրանի հետ բանակցությունների շարունակման և հարաբերությունների բարելավման կարևորությունը և ասել. «Ադրբեջանը շահագրգռված է իր բոլոր հարեւանների, այդ թվում՝ Իրանի հետ բարիդրացիական հարաբերությունների ընդլայնմամբ»: