«Վրաստանը պետք է դասեր քաղի»․ Թբիլիսին քննադատում է ՆԱՏՕ-ի քաղաքականությունը
Թբիլիսին քննադատում է ՆԱՏՕ-ի քաղաքականությունը և պնդում՝ Վրաստանը պետք է դասեր քաղի։
«ՆԱՏՕ-ն գործուն քայլեր չի ձեռնարկում Ուկրաինայի անդամակցության ուղղությամբ, և մենք՝ Վրաստանը, պետք է առաջին հերթին մտածենք մեր մասին, և այս օրինակը դաս է նաև մեզ համար»,- հայտարարել է Վրաստանի վարչապետ Իրակլի Ղարիբաշվիլին՝ մեկնաբանելով Վիլնյուսում ՆԱՏՕ-ի գագաթնաժողովը։
«Այնպիսի պատկեր էին ներկայացնում, իբր թե ՆԱՏՕ-ի գագաթնաժողովում հրաշք է տեղի ունեցել. Ուկրաինան արդեն դեօկուպացրել է (իր տարածքները), հաղթել է, իսկ Վրաստանը դուրս է մնացել այս ամենից», - ասել է Վրաստանի առաջնորդը և մեջբերել Հյուսիսատլանտյան ռազմական դաշինքի ղեկավարության հայտարարությունները՝ Ուկրաինան չի կարող ՆԱՏՕ-ի անդամ դառնալ մինչև չհաղթի Ռուսաստանին»։
«Հարց ունեմ՝ եթե Ուկրաինան հաղթել է Ռուսաստանին, ապա ինչին է պետք ՆԱՏՕ-ի անդամակցությունը»,- հավելել է վարչապետ Ղարիբաշվիլին։
azatutyun.am
