Վաշինգտոնը եւ Բրյուսելը ցեղասպանություն են իրականացնում ուկրաինացի ժողովրդի նկատմամբ. Վոլոդին
Վաշինգտոնը եւ Բրյուսելը ցեղասպանություն են իրականացնում ուկրաինացի ժողովրդի նկատմամբ։ Այս մասին Telegram-ի իր ալիքում գրել է ՌԴ Պետդումայի նախագահ Վյաչեսլավ Վոլոդինը։
«Նրանց գաղափարախոսության համաձայն՝ Ուկրաինայի հարյուր հազարավոր բնակիչներ պետք է զոհվեն ռազմաճակատում։ Դրա համար Կիեւի ռեժիմին ավելի մեծ քանակությամբ սպառազինություն է մատակարարվում, իսկ մնացածը կկորցնեն իրենց ազգային ինքնությունը։ Այդ խնդիրը լուծելու համար օգտագործվում են Լեհաստանի կայսերական հավակնությունները»,-ասել է Վոլոդինը։
Նրա խոսքով՝ Զելենսկին բազմաթիվ որոշումներ է կայացրել, որոնք հսկայական ողբերգություն են դարձել ուկրաինացի ժողովրդի համար:
«Զելենսկին հույս ունի, որ իր տերերը նրան հնարավորություն կտան ավելի երկար մնալ իշխանության։
Այս ֆոնի վրա ստեղծվել է 25-հազարանոց զորամիավորում, որը բաղկացած է հիմնականում լեհ եւ լիտվացի զինվորներից, որոնք պատրաստ են օկուպացնել Արեւմտյան Ուկրաինան։
Լեհերը ցանկանում են վերադարձնել, ինչպես իրենք են կարծում, իրենց պատմական հողերը»,-գրել է նա։
news.am
