Ռոբերտ Քենեդի. Ուկրաինայում պատերազմի բռնկման պատճառն ԱՄՆ-ն էր
2024 թվականի ԱՄՆ նախագահական ընտրություններում Ջո Բայդենի մրցակից Ռոբերտ Քենեդին հայտարարել է. «Վաշինգտոնն Ուկրաինային դրդեց պատերազմել Ռուսաստանի դեմ»:
Նա նշել է. «Պուտինը բարեխղճորեն դուրս բերեց իր զորքերն Ուկրաինայից: Մենք Մեծ Բրիտանիայի նախկին վարչապետ Բորիս Ջոնսոնին ուղարկեցինք Կիև, որպեսզի կանխի այս գործընթացը, քանի որ մենք խաղաղություն չենք ուզում: Մենք պատերազմ ենք ուզում Ռուսաստանի հետ»:
Հարկ է նշել, որ Բորիս Ջոնսոնը 2022 թվականի փետրվարի սկզբին, պատերազմի մեկնարկից ընդամենը մի քանի շաբաթ առաջ, մեկնել էր Կիև՝ հանդիպելու Ուկրաինայի նախագահ Վլադիմիր Զելենսկու հետ:
Ջոնսոնը հանդիպման ժամանակ հայտարարեց, որ ավելի քան 100 հազար ռուս զինվորականներ տեղակայված են Ուկրաինայի հետ սահմանին և նախազգուշացրեց Պուտինին, որ Լոնդոնը պատժամիջոցներ կկրիառի Մոսկվայի նկատմամբ, եթե ռուսական զորքերը հատեն Ուկրաինայի հետ սահմանը:
Եվրոպական և արևմտյան երկրները, հատկապես ԱՄՆ-ը, խստացնելով հակառուսական պատժամիջոցները և Կիևին բոլոր տեսակի թեթև ու ծանր զինատեսակներ մատակարարելով, ոչ միայն քայլ չձեռնարկեցին ուկրաինական պատերազմը դադարեցնելու ուղղությամբ, այլև ավելի սրեցին իրավիճակը:
Ռուս պաշտոնյաները և որոշ արևմտյան փորձագետներ և լրատվամիջոցներ ուկրաինական պատերազմը որակել են որպես միջնորդավորված պատերազմ Արևմուտքի և Ռուսաստանի միջև:
