Ադրբեջանում հայտարարել են,որ զանգվածային գերեզման է հայտնաբերվել

Հայաստանի հետ լարվածության սրման ֆոնին, Ադրբեջանի Հանրապետության իշխանությունները հայտարարել են, որ Շուշիում զանգվածային գերեզման է հայտնաբերվել:

Ադրբեջանի Հանրապետությունը պնդել է, որ Լեռնային Ղարաբաղի  Շուշի քաղաքում, որը նախկինում հայկական ուժերի վերահսկողության տակ է եղել, զանգվածային գերեզման է հայտնաբերվել։

Ադրբեջանի Հանրապետության  ԶԼՄ-ները նշել են, որ Շուշիի  բանտի տարածքում օգոստոսի 1-ից 15-ը ռազմագերիների, պատանդների և անհայտ կորածների հարցերով պետական ​​հանձնաժողովի կողմից իրականացված պեղումների ժամանակ հայտնաբերվել են 17 դիակի աճյուններ:

Ադրբեջանի նախագահի օգնական Հիքմեթ Հաջիևը X-ի (նախկին Թվիթերի) իր միկրոբլոգում  պնդել է, որ Հայաստանը մինչ օրս հրաժարվում է տեղեկատվություն տրամադրել զանգվածային գերեզմանների գտնվելու վայրի մասին՝ պատասխանատվությունից խուսափելու համար։

Ադրբեջանական և հայկական ուժերի միջև սահմանային լարվածությունը և Ադրբեջանի Հանրապետության կողմից Լեռնային Ղարաբաղը Հայաստանին կապող միակ ճանապարհը՝ Լաչինի միջանցքի գրավումը  երկու երկրներին կանգնեցրել են ևս մեկ պատերազմի շեմին։