Ռուսաստանը հայտարարել է Բարենցի-Եվրոարկտիկական շրջանի խորհրդից դուրս գալու մասին

Ռուսաստանը հայտարարել է Բարենցի-Եվրոարկտիկական շրջանի խորհրդից դուրս գալու մասին:

Երեսուն տարի շարունակ Բարենցի-Եվրոարկտիկական շրջանի խորհուրդը եղել է  միջսահմանային փոխգործակցության օգտակար եւ արդյունավետ ձեւաչափ, որը նպաստել է հյուսիսում խաղաղության եւ կայունության պահպանմանը, նրա կայուն սոցիալ-տնտեսական զարգացմանը, շրջակա միջավայրի պաշտպանությանը, մշակութային եւ հումանիտար կապերի ամրապնդմանը եւ մարդկանց, այդ թվում ՝ բնիկ ժողովուրդների ներկայացուցիչների միջեւ շփումներին: Այս մասին ասվում է Ռուսաստանի ԱԳՆ հայտարարության մեջ։

«Խորհրդի արեւմտյան մասնակիցների (Դանիա, Իսլանդիա, Նորվեգիա, Ֆինլանդիա, Շվեդիա, ԵՄ) մեղքով նրա գործունեությունը 2022 թվականի մարտից փաստացի կաթվածահար է եղել։ Ֆինլանդիայի նախագահությունը չի հաստատել 2023 թվականի հոկտեմբերին խորհրդի ղեկավարությանը Ռուսաստանին փոխանցելու պատրաստակամությունը ՝ խախտելով ռոտացիայի սկզբունքը եւ խափանելով անհրաժեշտ նախապատրաստական միջոցառումների անցկացումը։ 

Ստեղծված պայմաններում ստիպված ենք հայտարարել խորհրդից դուրս գալու մասին»,-ասվում է հայտարարության մեջ։

news.am