Որո՞նք են Էրդողանի ծրագրերը Կովկասի և Կենտրոնական Ասիայի ապագայի վերաբերյալ
Թուրքիայի հարցերով փորձագետը «Խաբար օնլայն» կայքին տված ճեպազրույցում Կովկասի և Կենտրոնական Ասիայի ապագայի վերաբերյալ Էրդողանի ծրագրերի մասին ասել է.«Թուրքիայի ձեռքբերումն այն է, որ կանգնել է նոր ճանապարհին Հարավային Կովկասում և Կենտրոնական Ասիայում իր ազդեցությունը մեծացնելու նպատակով»:
Մոհամմադ Ալի Դասթմալին ասել է.«Վերջերս Ղարաբաղում տեղի ունեցած զարգացումները շրջադարձային էին տարածաշրջանային պատմության մեջ: Առերևույթ պատկերացումն այն է, որ Հայաստանն ու Ադրբեջանն են վերջ դրել մի հին պատերազմի, սակայն նրանք ուղղակի երկու դերակատար էին, այս գործընթացի մյուս դերակատարների կողքին»:
Անդրադառնալով ղարաբաղյան զարգացումներում Թուրքիայի և Ռուսաստանի դերակատարությանը, Դասթմալին ասել է.«Հաշվի առնելով տարածաշրջանի քաղաքական և գեոպոլիտիկական իրողությունները, կնկատենք, որ տարածաշրջանի տնտեսական և անվտանգության ֆոնին, Թուրքիան Ադրբեջանից ավելի շատ է շահել վերջին պատերազմում»:
Թուրքիայի հարցերով փորձագետն ասել է.«Թուրքիան պատմական մի երազանք ունի և ռասայական խոսույթ է քարոզում: Սակայն Կովկասի խնդիրը ոչ միայն, մշակույթի, լեզվի և ռասայի, այլև էներգիայի հետ է կապված: Թուրքիան մինչ այսօր Ադրբեջանի գազը տեղափոխելով եկամուտ և արժեքավոր խաղաքարտ է ձեռք բերել: Մյուս փուլում ձգտում է Թուրքմենիայի և Ուզբեկստանի գազը Եվրոպա արտահանել, իսկ հետագայում ծրագրում է մեծացնել իր ներազդեցությունը Ղազախստանում, Ղրղզստանում ու Տաջիկստանում: Թուրքիան նաև ցանկանում է կապ հաստատել Չինաստանի ույղուր թուրքերի հետ և հասանելի դառնալ այդ տարածաշրջանի սպառման շուկաներին և իր արտադրանքներն ու իր կապալառուներին ուղարկել այդ շրջան: Եվ այդ շրջանների ուսանողներին գրավելով, Թուրքիային դարձնել ազդեցիկ ու կաևոր մի ուժ, որը կոշտ ուժից բացի, կունենա փափուկ ուժի բոլոր տեսակները»: