Փորձագետ. Իսրայելի աջակցության նվազումն է Երևանի հանդեպ Բաքվի պահանջների մեղմացման պատճառը
Կովկասի հարցերով փորձագետը իրանական ԻԼՆԱ լրատվական գործակալության հետ զրույցում ասաց, որ Ադրբեջանի հանդեպ Իսրայելի աջակցության նվազումը հանգեցրեց Երևանից Բաքվի պահանջների մեղմացմանը։
Անդրադառնալով Ադրբեջանի և Հայաստանի միջև գերիների փոխանակման և երկկողմ հարաբերությունների կարգավորման երկկողմ համաձայնագրին, Կովկասի հարցերով փորձագետ Ղասեմ Մոմենին ILNA-ի թղթակցի հետ զրույցում ասաց, որ երկու երկրների հարաբերությունները կարգավորելու և գերիների փոխանակման վերաբերյալ պայմանավորվածությունը տեղի է ունեցել տարածաշրջանային հատուկ պայմաններում: Ղարաբաղը հետ վերցնելուց հետո Բաքուն բազմաթիվ պահանջներ ներկայացրեց, բայց ի վերջո ստիպված եղավ չափավորել դրանք։ Այս պահանջների մեղմացման պատճառներից մեկը Գազայում պատերազմի մեկնարկն էր։ Որովհետեւ այս պատերազմի մեկնարկով նվազեց Թել Ավիվի աջակցությունը Ադրբեջանի նկատմամբ։
Նշելով Ադրբեջանի նախագահի խիստ քննադատությունը Արևմուտքի և ԱՄՆ-ի նկատմամբ Հայաստանին աջակցելու համար՝ Մոմենին հավելել է, որ ներկայիս պայմաններում Ադդրբեջանը երկակի խաղ է խաղում և կարող է համաձայնության գալ Թուրքիայի ու Հայաստանի հետ միջանցքներ ստեղծելու վերաբերյալ, որպեսզի դուր գա Եվրոպային։