Բայրամովը Շառլ Միշելի խորհրդականի հետ քննարկել է Հայաստանի հետ հարաբերությունների կարգավորումը
Դեկտեմբեր 11, 2023 13:51 Asia/Tehran
Բայրամովը Շառլ Միշելի խորհրդականի հետ քննարկել է Հայաստանի հետ հարաբերությունների կարգավորումը:
Ադրբեջանի ԱԳ նախարար Ջեյհուն Բայրամովը Բրյուսելում հանդիպել է Եվրոպական խորհրդի նախագահ Շառլ Միշելի արտաքին քաղաքական հարցերով գլխավոր խորհրդական Սայմոն Մորդյուի հետ։ Ադրբեջանի ԱԳՆ հաղորդմամբ՝ հանդիպումը տեղի է ունեցել ԵՄ Արևելյան գործընկերության երկրների արտգործնախարարների հանդիպման շրջանակում։ Նշվում է, որ կողմերը քննարկել երկկողմ հարաբերությունները, ինչպես նաև Հայաստանի ու Ադրբեջանի միջև հարաբերությունների կարգավորմանը նվիրված հարցեր։
Հիշեցնենք, որ ավելի վաղ Բաքուն հրաժարվել էր Գրանադայում ու Բրյուսելում Հայաստանի հետ հանդիպումներից։
factor.am