Բրիտանիայի անօթևանների ցնցող վիճակագրությունը Սուրբ Ծննդյան տոնին ընդառաջ

Բրիտանիայի անօթևանների ամենամեծ բարեգործական կազմակերպություն՝ Shelter-ը շաբաթ օրը իր վերջին զեկույցում հայտարարեց, որ  այս տարի Սուրբ Ծննդյան տոնին ընդառաջ, անօթևանների թիվը նախորդ տարվա համեմատ աճել է 14%-ով: Այս ինստիտուտի  զեկույցի համաձայն՝ 2023 թվականին 309 հազար 550 մարդ անօթևան է  դարձել և նրանց մեծ մասն ապրել է վրաններում և հանրակացարաններում։

Shelter-ի գործադիր տնօրեն Փոլի Նեյթը  Բրիտանիայում  բնակարանային իրավիճակը բնութագրեց որպես արտակարգ, և հայտարարեց, որ այս ոլորտում պետական ​​ներդրումների բացակայությունը պատճառ է դարձել, որ «մարդիկ չկարողանան վճարել  իրենց վարձավճարները, և անօթևանների թիվն ավելանում  է»:

Shelter-ն ասում է, որ զեկույցը կազմել է կառավարության պաշտոնական թվերի, Homeless Link բարեգործական կազմակերպության տվյալների և քաղաքային խորհուրդների պատասխանների հիմամբ: Ինստիտուտում պարզաբանել են, որ իրական թվերը կարող են ավելի բարձր լինել «թաքնված անօթևանների» պատճառով։

  Վիճակագրության համաձայն՝ բրիտանացիների մի զգալի հատված դժվարին ժամանակաշրջան է  ապրում՝ ծանր տնտեսական պայմանների,  սանձարձակ  գների և կյանքի ծախսերի ճգնաժամի  պատճառով։