Զահիդ Օրուջը հայտարարել է Ադրբեջանի նախագահական ընտրություններում իր թեկնածությունն առաջադրելու մասին
Սոցիալական հետազոտությունների կենտրոնի վարչության նախագահ, պատգամավոր Զահիդ Օրուջը հայտարարել է Ադրբեջանի առաջիկա նախագահական ընտրություններում իր թեկնածությունն առաջադրելու մտադրության մասին:
Այս մասին հայտնել են ադրբեջանական լրատվամիջոցները։
Օրուջն ասել է նաև, որ առաջիկա օրերին փաստաթղթերը պաշտոնապես կներկայացնի Կենտրոնական ընտրական հանձնաժողով:
Ադրբեջանում արտահերթ նախագահական ընտրությունները նշանակված են 2024 թվականի փետրվարի 7-ին:
Դեկտեմբերի 15-ին «Ենի Ադրբեջան» կուսակցության վարչության ընդլայնված նիստում որոշում է կայացվել նախագահական ընտրություններում առաջադրել Իլհամ Ալիևի թեկնածությունը:
Արտահերթ նախագահական ընտրություններին մասնակցելու համար իր թեկնածությունն է առաջադրել «Մեծ Ադրբեջան» կուսակցության նախագահ Էլշադ Մուսաևը։
Որպես թեկնածու է գրանցվել նաև պատգամավոր Ֆազիլ Մուստաֆան։