Սի Ցզինպին. Չինաստանը չի ընկնի ԱՄՆ-ի ծուղակը Թայվանի վրա հարձակվելու համար
Չինաստանի նախագահը նշելով որ ԱՄՆ-ն փորձում է մոլորության մեջ գցել Չինաստանին՝ Թայվանի վրա հարձակվելու համար, ասել է. -«Պեկինը չի ընկնի այս ծուղակը»։
Մի քանի տասնամյակ ԱՄՆ-ն Թայվանի նկատմամբ որդեգրել է «անորոշության» ռազմավարական քաղաքականություն։ Ինչպես հաղորդում է Pars Today-ը՝ վկայակոչելով Financial Times թերթը, Չինաստանի նախագահ Սի Ցզինպինը այս նախազգուշացումն արել է անցյալ տարվա ապրիլին Եվրահանձնաժողովի նախագահ Ուրսուլա ֆոն դեր Լեյենի հետ հանդիպման ժամանակ։
Մի իրազեկ աղբյուր Financial Times-ին հայտնել է, որ Սի Ցզինպինն այն ժամանակ տեղեկացրել է իր երկրի պաշտոնյաներին այս նախազգուշացման մասին, սակայն առաջին անգամ այն արծարծել է օտարերկրյա առաջնորդի՝ Եվրահանձնաժողովի ղեկավարի հետ հանդիպման ժամանակ։
Հանդիպմանը զուգահեռ հրապարակված մամուլի հաղորդագրության համաձայն՝ Սի Ցզինպինն Ուրսուլա ֆոն դեր Լեյենի հետ հանդիպման ժամանակ ասել էր, որ Թայվանը գտնվում է Չինաստանի շահերի կենտրոնում։
Նա այս համատեքստում ընդգծել էր․
Եթե ինչ-որ մեկն ակնկալում է, որ Չինաստանը զիջումների կգնա և կնահանջի Թայվանի հարցում , ապա զուր երազներ է փայփայում և կրակում է իր ոտքին:
Ըստ Financial Times-ի՝ Չինաստանի նախագահ Սի Ցզինպինի կողմից ԱՄՆ-ի դեմ հնչեցված նախազգուշացումը չի արտացոլվել նշված մամուլի հաղորդագրության մեջ։
Նույն համատեքստում, Լոնդոնի թագավորական քոլեջի Live China ինստիտուտի տնօրեն Քերի Բրաունը Business Insider-ին ասել է. «Սի Ցզինպինի նախազգուշացումը ցույց է տալիս, որ Չինաստանը «իրոք զարմացած է» և «ցնցված» ԱՄՆ-ի վերջերս «ագրեսիվ» մոտեցմամբ:
Բանալի բառեր. Որտե՞ղ է Թայվանը, Չինաստան-Թայվան ճգնաժամ, ԱՄՆ միջամտությունը Թայվանում, հնարավոր պատերազմ Չինաստանի և Թայվանի միջև։