ԱՄՆ-ի և Հայաստանի համատեղ զորավարժությունների ազդեցությունը Կովկասում լարվածության վրա
Եվրասիական հարցերով փորձագետ Մասումե Մոհամադին «Թասնիմ» լրատվական գործակալության կայքում հրապարակված հոդվածում անդրադարձել է Միացյալ Նահանգների և Հայաստանի համատեղ զորավարժությունների հետևանքներին։
Նա գրել է․ «Հայ-ամերիկյան զորավարժությունները հանգեցրել են Հարավային Կովկասում ՆԱՏՕ-ի ներկայության և ազդեցության մեծացմանը, և ՆԱՏՕ-ի անդամ երկրները փորձում են ամրապնդել իրենց դերը տարածաշրջանում, ինչն անշուշտ կհանգեցնի նոր լարվածության Կովկասում»։
Մոհամադին հավելել է․ «Այս զորավարժությունները սադրում են Ռուսաստանին և կհանգեցնեն Հայաստանի և Ռուսաստանի միջև լարվածության աճի։ Մոսկվան կարող է խիստ արձագանքել՝ տարածաշրջանում իր ազդեցությունը պահպանելու համար»։
Փորձագետի կարծիքով՝ Հայաստանի ռազմական համագործակցությունը ԱՄՆ-ի հետ մտահոգում է Ադրբեջանին և Թուրքիային, որոնք կարող են ամրապնդել իրենց ռազմական համագործակցությունը այլ երկրների հետ, ինչն իր հերթին կմեծացնի տարածաշրջանում ռազմական մրցակցությունն ու լարվածությունը»։
Հոդվածում ասվում է․ «Որպես հարևան երկրներից մեկը և Հարավային Կովկասի տարածաշրջանում կարևոր դերակատար՝ Իրանը զգայուն է այս տարածաշրջանում ռազմական և քաղաքական զարգացումների նկատմամբ։
Այս զորավարժություններին Իրանի արձագանքը և տարածաշրջանում հավասարակշռությունն ու կայունությունը պահպանելու Թեհրանի դիվանագիտական ջանքերը կարևոր ազդեցություն կունենան տարածաշրջանում խաղաղության և կայունության հաստատման վրա»:
Հուլիսի 19-ին մեկնարկել են հայ-ամերիկյան 9-օրյա համատեղ զորավարժությունները։