Նիգերիացի երեխաները երթ են անցկացրել՝ ի պաշտպանություն Գազայի երեխաների
Սեպտեմբերի 5-ին Նիգերիայի Բաուչի շրջանում կայացել է երթ, որին մասնակցել են երեխաներ։ Նրանք վանկարկել են կարգախոսներ ի աջակցություն Գազայի երեխաների։
Iran Press-ի հաղորդմամբ՝ երթի մասնակից երեխաները պահել են Պաղեստինի դրոշները և աջակցություն հայտնել Իսրայելի դեմ պաղեստինյան Դիմադրությանը։
Երթի մասնակիցներից ութամյա Սաբիրե Մուսի Բեյ Մոհամմադն Iran Press-ին ասել է.«Ռաբի ալ-Ավալ սուրբ ամսվա մեկնարկին, որը մեր սիրելի մարգարեի ծննդյան և տոնակատարության ու ուրախության ամիս է, մենք չենք կարող մոռանալ Գազայի մեր եղբայրներին և քույրերին, հատկապես երեխաներին»:
Մեկ այլ մասնակից Զեյնաբ Հաբիբն Iran Press-ին ասել է․ «Այսօր մեր պաղեստինցի եղբայրներն ու քույրերն ապրում են Իրսայելի ահաբեկչության պայմաններում։ Գազայի երեխաներն այդ ահաբեկչությունների պատճառով որբանում են, կանայք՝ այրի դառնում։ Իսրայելն ավերում է Գազայի հիվանդանոցներն ու տները։ Եվ կարևոր է օգտագործել բոլոր միջոցները՝ արտահայտելու մեր դժգոհությունն ու զայրույթը Միացյալ Նահանգների և ՅՈՒՆԻՍԵՖ-ի նկատմամբ, որոնք չեն կարողանում դադարեցնել Պաղեստինի կանանց և երեխաների դեմ ուղղված Իսրայելի գործողությունները»։
