Վաշինգտոնում ԱՄՆ ռազմածովային ուժերի ինքնաթիռ է կործանվել

Վաշինգտոն նահանգում՝ երկրի արևմտյան ափին, ԱՄՆ ռազմածովային ուժերի EA-18G Growler ինքնաթիռ է կործանվել։ Տեղեկությունը հայտնում է ՌԻԱ Նովոստին՝ հղում անելով «Seattle Times» թերթին։

«Կործանումից հետո երկու օդաչու է անհետացել»,– գրում է պարբերականը` վկայակոչելով ամերիկյան ռազմածովային ուժերին:

Թերթի տվյալով՝ վթարի վայրը հայտնաբերելու և օդաչուներին գտնելու համար ռազմածովային ուժերի ուղղաթիռ է ներգրավվել։

Անհետ կորածների անունները չեն հաղորդվում: