Հազարավոր ճապոնացիներ բողոքում են ԱՄՆ ռազմական ներկայության դեմ

Ճապոնիայի Օկիանավա կղզու հազարավոր բնակիչներ հունիսի 19-ին ցույցի են դուրս եկել ընդդեմ ԱՄՆ ռազմական ներկայության: Բողոքի ակցիան վերջին 20 տարում ամենախոշորն է, հայտնում է Reuters-ը:

Ցույցի առիթը տեղաբնակ աղջկա սպանությունն է, որին հաջորդել էր հանցագործության մեջ կասկածվող ամերիկացու ձերբակալությունը:

The Japan Times-ը նշում է, որ ակցիայի մասնակիցների թիվը հասել է 50 հազարի: Նրանք կառավարությունից մասնավորապես պահանջել են վերանայել ԱՄՆ ՌՕՈւ Ֆուտենմա ավիաբազան կղզու այլ հատված տեղափոխելու պլանները: Դրա փոխարեն նրանք պահանջում են առհասարակ այն դուրս բերել Օկիանավա կղզու տարածքից:

news.am

19/6/2016