Բաքվում քննարկել են Պակիստանի հետ ռազմական գործակցության խորացման հեռանկարները
Հոկտեմբեր 29, 2024 15:35 Asia/Tehran
Ադրբեջանի պաշտպանության նախարար Զաքիր Հասանովը Պակիստանի զինված ուժերի Շտաբերի պետերի միացյալ կոմիտեի նախագահ, գեներալ Սահիր Շամշադ Միրզայի հետ հանդիպմանը քննարկել է Պակիստանի հետ ռազմական գործակցության խորացման հեռանկարները։
Ընդգծվել է ինչպես երկկողմ, այնպես էլ եռակողմ՝ Ադրբեջան–Պակիստան–Թուրքիա ձևաչափով, համագործակցության հետագա ընդլայնումը, գրում է APA-ն։
Հասանովը տեղեկացրել է պակիստանյան պատվիրակությանը «Հայաստանի հետ պայմանական սահմանին իրավիճակի մասին»։
Քննարկվել են գործակցության հեռանկարները ռազմատեխնիկական, ռազմական կրթության ոլորտներում։
Պակիստանը միակ երկիրն է աշխարհում, որը չի ճանաչում Հայաստանը, և սերտ համագործակցության մեջ է Ադրբեջանի հետ, հատկապես ռազմական ոլորտում։