Թրամփը Վիսկոնսինում աղբատար մեքենայով է շրջել

ԱՄՆ նախագահի հանրապետական թեկնածու Դոնալդ Թրամփը Վիսկոնսինում նախընտրական հանրահավաքից առաջ շրջել է աղբատար մեքենայով։ Նա դա արել է այն բանից հետո, երբ ԱՄՆ նախագահ Ջո Բայդենը Թրամփի կողմնակիցներին «աղբ» է անվանել, գրում է Daily Mail-ը:

«Դուք չեք կարող առաջնորդել Ամերիկան, եթե չեք սիրում ամերիկացիներին... Եվ չեք կարող նախագահ լինել, եթե ատում եք ամերիկացիներին,: Իսկ այդ արտահայտության (նկատի ունի ասածը-Խմբ.) մեջ մեծ ատելություն կա», - ասել է Թրամփը:

Հոկտեմբերի 28-ին Նյու Յորքում Թրամփի նախընտրական հանրահավաքի բացման ժամանակ ամերիկացի կատակերգու Թոնի Հինչքլիֆը Պուերտո Ռիկոն անվանել էր «լողացող աղբի կղզի»։

Հոկտեմբերի 29-ին Ջո Բայդենը, մեկնաբանելով այս ելույթը, ասել էր.«Միակ աղբը, որը ես տեսնում եմ այնտեղ, նրա կողմնակիցներն են։   Նրա կողմից լատինաամերիկացիների դեմոնիզացիան անողոք է»։

Ավելի ուշ Սպիտակ տունը հայտարարել էր, որ նախագահը նկատի ուներ կատակերգուին և նրա ոչ հարիր կատակը։