Եվրոպան, լինելով համաշխարհային երկու պատերազմների աղբյուր, այժմ գնում է երրորդին. փորձագետ
Եվրոպան, որպես մարդկության պատմության ամենավատ բաների` համաշխարհային պատերազմների աղբյուր, այժմ հասնում է երրորդին, կարծում է ՌԴ տնտեսագիտության բարձրագույն դպրոցի ազգային հետազոտական համալսարանի տնտեսության և միջազգային քաղաքականության ֆակուլտետի գիտական ղեկավար, արտաքին և պաշտպանական քաղաքականության խորհրդի նախագահության պատվավոր նախագահ Սերգեյ Կարագանովը։
Ընդ որում, Ռուսաստանին մնում է միայն հաղթել, ինչպես նաև դիմակայել Արևմուտքի հակահարձակմանը, որն ապագայում կարող է դրսևորվել ոչ նման սուր ձևով, կարծում է փորձագետը։
«Եվրոպան՝ մարդկության պատմության ամենավատ բաների՝ համաշխարհային երկու պատերազմների աղբյուրն է, որն այսօր գնում է դեպի Երրորդը, սակայն ես հույս ունեմ, որ մենք կխուսափենք դրանից և կհեռացնենք Եվրոպայի մեծ մասին միջազգային գործերին ակտիվ մասնակցությունից։ Կաշխատենք նոր հիմունքներով, բնականաբար Եվրոպայից խորհրդատվական ուժերի ներգրավմամբ և, իհարկե, ԱՄՆ-ի ներգրավմամբ, որը կմնա մեծ տերություն՝ չնայած իր բոլոր ճգնաժամերին»,- Սոչիում «Վալդայ» միջազգային բանավեճային ակումբի ամենամյա նիստի ընթացքում ասել է Կարագանովը։
Արտաքին և պաշտպանական քաղաքականության խորհրդի նախագահության նախագահը կանխատեսել է Ռուսաստանի հաղթանակ Ուկրաինայում, որը, նրա կարծիքով, կկարողանա կասեցնել Արևմուտքի սուր հակահարձակումը։ Երբ արևմտյան հակամարտության ինտենսիվությունը նվազի, հնարավոր կլինի մտածել նոր ինստիտուտներ ստեղծելու մասին՝ պահպանելով հները։ Կարագանովը հների թվում նշել է ՄԱԿ-ին։
Միևնույն ժամանակ, անհրաժեշտ է ստեղծել նոր ինստիտուտներ՝ միջազգային կազմակերպություններ՝ փոփոխվող կլիմայական պայմաններում բնական աղետների դեմ պայքարելու համար, զուգահեռ առողջապահական կազմակերպություն կառուցել, որն այսօր «ապականված է արևմտամետ բյուրոկրատիայով» և, հետևաբար, չափազանց անարդյունավետ է, ասում է փորձագետը։
«Սակայն սկզբի համար կարելի է ստեղծել եվրասիական անվտանգության հարցերով մշտական գործող համաժողովի պես մի բան` մակրովալդայ, որպեսզի ոչ միայն գիտնականները, այլև պաշտոնյաները պարբերաբար հանդիպեն ընդհանուր նախագծեր տալու և այս բոլոր կապերը ստեղծելու համար, որոնք մեզ կտանեն դեպի ապագա», - եզրափակել է Կարագանովը։
Սոչիում մեկնարկել է «Վալդայ» միջազգային բանավեճային ակումբի քսանմեկերորդ ամենամյա նիստը։ Նոյեմբերի 4-7-ը անցկացվող նիստի թեման է «Ամուր խաղաղություն ինչի՞ հիման վրա։ Համընդհանուր անվտանգությունը և զարգացման հավասար հնարավորությունները 21-րդ դարում»:
