Ակնարկ՝ Իրանում Ռուսաստանի դեսպանի վերջին հարցազրույցին

Pars Today - Թեհրանում Ռուսաստանի դեսպան Ալեքսեյ Դեդովը հայտարարել է, որ շուտով կսկսվի Եվրասիական տնտեսական միության և Իրանի միջև ազատ առևտրի համաձայնագրի իրականացումը։ TVBRICS-ին տված հարցազրույցում նա անդրադարձել  է Ռուսաստանի և Իրանի երկկողմ համագործակցությանը առևտրի, մշակույթի, զբոսաշրջության և էներգետիկայի ոլորտներում։

Դեդովը հավելել է, որ երկու երկրների միջև առևտուրը դրական միտում ունի, և ակնկալվում է, որ դրա ծավալն անցյալ տարվա համեմատ այս տարի կավելանա մոտ 15 տոկոսով (4,2 միլիարդ դոլար): Ռուսաստանը սկսել է ընդունել իրանական «Շեթաբ» վճարային համակարգի քարտերը, իսկ ռուսական «Միր» քարտերն էլ շուտով կընդունվեն Իրանում։ Երկու երկրները գրեթե ամբողջությամբ անցել են ազգային արժույթներով փոխադարձ հաշիվները փակելու եղանակին, ինչն ընդլայնում է տնտեսական համագործակցության շրջանակը։

Եվրասիական տնտեսական միությունը 190 միլիոն բնակչությամբ շուկա է, որն Իրանի համար ապահովում է ապրանքների ներմուծման հարցում արտոնյալ պայմաններ, պարզ մաքսային ընթացակարգեր և դյուրին տեխնիկական կանոնակարգեր։ Այս իրավիճակը նմանատիպ առավելություններ է տալիս նաև միության անդամ երկրների արտահանողներին։

Մշակութային ոլորտում հունիսին նախատեսված են «Ռուսական մշակութային օրեր» Իրանում։ Զբոսաշրջության ոլորտում երկու երկրների հարաբերությունները 2024 թվականին աճել են 13 տոկոսով։ Զգալիորեն աճել է Ռուսաստանում իրանցի զբոսաշրջիկների թիվը և Իրանում՝ ռուսաստանցի այցելուների թիվը։

Ատոմային էներգետիկայի ոլորտում ընթանում են խաղաղ նախագծեր, այդ թվում՝ Բուշեհրի էլեկտրակայանի երկրորդ և երրորդ բլոկների կառուցումը, ինչպես նաև համագործակցությունը բժշկական իզոտոպների ոլորտում։ Դեդովը նաև ընդգծել է BRICS միջազգային պլատֆորմի կարևորությունը երկկողմ հարաբերությունների ամրապնդման գործում և այդ կազմակերպության արժեքները ընդունելի է համարել Մոսկվայի և Թեհրանի կողմից։