Իրան-ԱՄՆ անուղղակի բանակցությունների առաջին փուլն ավարտվել է
Ավարտվել է Իրան-ԱՄՆ անուղղակի բանակցությունների առաջին փուլը պատժամիջոցների չեղարկման և միջուկային հիմնախնդրի շուրջ։ Կողմերը պայմանավորվել են շարունակել այս բանակցությունները հաջորդ շաբաթ։
«Օմանի արտաքին գործերի նախարարի միջնորդությամբ Մասկատում մեկնարկել են Իրանի ԱԳ նախարար Արաղչիի և ԱՄՆ նախագահի հատուկ բանագնաց Ուիտկոֆի անուղղակի բանակցությունները», - հայտնել է Իրանի ԱԳՆ պաշտոնական ներկայացուցիչ Իսմայիլ Բաղային X սոցցանցում:
Դիվանագետը նշել է, որ Իրանի և ԱՄՆ-ի պատվիրակություններն առանձին սենյակներում են, նրանց միջև հաղորդագրությունները կփոխանցի օմանական կողմը:
Իրանն հայտնել է, որ ԱՄՆ-ի հետ բանակցություններն «դրական մթնոլորտում» են ընթանում
Իրանի միջուկային ծրագրի բանակցային թիմի անդամը հայտարարել է, որ Իրանի և ԱՄՆ-ի միջև անուղղակի բանակցություններն ընթանում են դրական մթնոլորտում, գրում է Mehr գործակալությունը։
Իրանի և ԱՄՆ-ի պատվիրակությունները բանակցություններ են վարում Օմանի մայրաքաղաք Մուսկատում՝ քննարկելու համար Իրանի միջուկային ծրագիրը։
Նախքան բանակցությունների սկիզբը, Իրանի արտգործնախարար Արաղչին հայտարարել է, որ Թեհրանը ձգտում է «արդար համաձայնության» Վաշինգտոնի հետ:
Նա նշել է, որ փոխզիջման հասնելու «պատեհություն» կա, «եթե մյուս կողմը նույն դիրքորոշումն ունենա»: