Թրամփի սակագնային պատերազմը; Դրամախաղ ամերիկացիների կապիտալով
Ներմուծվող ապրանքների վրա ծանր մաքսատուրքեր սահմանելով՝ ԱՄՆ նախագահ Դոնալդ Թրամփը մտադիր էր ճնշում գործադրել առևտրային մրցակիցների վրա, սակայն այս քաղաքականության հակազդեցությունը հանգեցրեց շուկաների փլուզմանը և ամերիկացիների եկամուտների նվազմանը:
Համաշխարհային շուկաները փլուզվում են
Մաքսատուրքերի սահմանման մասին հայտարարությունից հետո ԱՄՆ ֆոնդային շուկան միլիարդավոր դոլարների վնաս է կրել։ Գլոբալ ինդեքսները, ինչպիսիք են ճապոնական Nikkei-ն և գերմանական DAX-ը, նույնպես նվազել են համաշխարհային առևտրին հասցված վնասի պատճառով: Չնայած մաքասատուրքերի սահմանումը 90-օրով հետաձգելու Թրամփի որոշմանը, հինգշաբթի օրը շուկաները վերականգնվեցին: Թրամփը հայտարարեց, որ բանակցություններ է վարում «հատուկ և նպատակային» առևտրային համաձայնագրերի շուրջ այնպիսի երկրների հետ, ինչպիսիք են Ճապոնիան և Հարավային Կորեան։
Իրական պարտվողներն ամերիկացիներն են
Հակառակ տարածված կարծիքի, թե այս իրավիճակից տուժում են միայն հարուստները, ԱՄՆ բնակչության մեծ մասը ֆոնդային շուկայներում ներդրումներ է արել: Դաշնային պահուստային ֆոնդի տվյալներով՝ 2023 թվականին ամերիկացիների ամենահարուստ 10 տոկոսը տիրապետում էր բոլոր բաժնետոմսերի 93 տոկոսին, սակայն շուկայական արժեքի անկումն ազդեցություն ունեցավ նաև միջին և ցածր խավերի վրա:
Թոշակառուներ և առավել խոցելի խմբեր
Թոշակի անցնել պատրաստվող կամ արդեն թոշակի անցած մարդիկ բավարար ժամանակ չունեն կորուստները վերականգնելու համար, և նրանց կենսաթոշակային ակտիվների արժեքը կտրուկ նվազում է։ Ամերիկյան միջին խավը նույնպես մեծապես վնասվել է Թրամփի վարած քաղաքականությունից: Գների աճը և աշխատաշուկայի խնդիրները կարող են հանգեցնել աշխատողների կրճատումների և գործազրկության մակարդակի բարձրացման:
Խոստման և իրականության հակասությունը
ԱՄՆ-ն ավելի հարուստ դարձնելու փոխարեն, Թրամփի մաքսատուրքերի քաղաքականությունն իրականում նվազեցրեց սովորական քաղաքացիների ֆինանսական բարեկեցությունը, ավելացրեց տնտեսական անհավասարությունը և ապակայունացրեց շուկաները: Այն մեծացրեց նաև տնտեսական անկման հավանականությունը: