Թրամփը և Գորբաչովը․ Արդյո՞ք պատմությունը կրկնվում է Ամերիկայի համար
Pars Today - Ամերիկյան Newsweek շաբաթաթերթն իր հրապարակած հոդվածում քննարկել է ԱՄՆ նախագահ Դոնալդ Թրամփի կոնկրետ մոտեցումները արտաքին քաղաքականության մեջ։
Ամերիկյան Newsweek շաբաթաթերթը երեքշաբթի օրը հրապարակած իր հոդվածում անդրադառնալով Թրամփի կողմից ԱՄՆ-ի արտաքին քաղաքականության մեջ նորամուծություններին՝ գրել է. «Իր նախագահության առաջին 100 օրերի ընթացքում նա օգտագործել է բոլոր հնարավորությունները՝ փոխելու Ամերիկայի հարաբերությունները աշխարհի մյուս երկների հետ»։
Ինչպես հաղորդում է Pars Today-ը, Newsweek-ի հոդվածում նշվում է. -«Թրամփը բազմիցս մեղադրել է Հյուսիսատլանտյան դաշինքի կազմակերպությանը (ՆԱՏՕ) Միացյալ Նահանգների նկատմամբ ֆինանսական չարաշահումներ թույլ տալու մեջ և քննադատել է այն գումարի չափը, որը Միացյալ Նահանգները ծախսում է Ուկրաինայում ընթացող պատերազմի վրա»։
Թերթը հավելում է. «Այս քննադատությունը փետրվարին հանգեցրեց Ուկրաինայի նախագահ Վլադիմիր Զելենսկու հետ բուռն բանավեճի, որի ընթացքում Թրամփը մեղադրեց Զելենսկուն «Երրորդ համաշխարհային պատերազմ հրահրելու մեջ» և հիշեցրեց նրան, որ նա «շնորհակալ չէ» ԱՄՆ-ի կողմից իր երկրին տրամադրված օգնության համար»։
«Մի կողմից, Թրամփի վարչակազմն այն դեպքում է ընդունել Ռուսաստանի նախագահ Վլադիմիր Պուտինի հետ խաղաղության բանակցությունները,երբ միաժամանակ սակագնային կոշտ պատերազմ մղելով իր վաղեմի դաշնակից Կանադայի և աշխարհի այլ երկրների դեմ, մշտապես ընդգծում է Կանադայի՝ Միացյալ Նահանգներին որպես 51-րդ նահանգ միանալու անհրաժեշտությունը»,գրել է Newsweek-ը։
Թերթը վերջում հղում անելով Կոնեկտիկուտի համալսարանի աշխարհաքաղաքականության և միջազգային հարաբերությունների հետազոտող և փորձագետ Բերրի Սքոթ Զելենին,գրել է․-«Թրամփի նախագահության այս շրջանը նոր նախագահական շրջանի ամենահետաքրքիր մեկնարկներից մեկն է Խորհրդային Միության վերջին առաջնորդ՝ Միխայիլ Գորբաչովից հետո, որը հասավ խորհրդային համակարգի գագաթնակետին: Սակայն Գորբաչովի կողմից ստանձնած ռիսկերը ոչ միայն չբարեփոխեցին խորհրդային համակարգը, այլև հանգեցրին նրա փլուզմանը: Արդյո՞ք նման բանի ականատես կլինենք Ամերիկայում»։