Սաքս. Իսրայելի ռազմատենչությունը խոչընդոտ է տարածաշրջանային խաղաղության համար
Ամերիկացի ականավոր տնտեսագետ Ջեֆրի Սաքսը քննադատել է Սիոնիստական ռեժիմի քաղաքականությունը, նշելով, որ Իսրայելը պատերազմից կախվածություն ունի։
Նա ասել է․ «Առանց ամերիկյան աջակցության Իսրայելը ստիպված կլինի անցնել դիվանագիտության»:
Անդրադառնալով Թրամփի վարչակազմի քաղաքականությանը՝ Սաքսը նշել է. «ԱՄՆ նախագահը ցանկանում է խաղաղություն հաստատել։ Սակայն նա իր նպատակին չի հասնի, քանի դեռ չի մերժել Նեթանյահուի կաբինետի ծայրահեղական քաղաքականությունը։ ԱՄՆ-ն պետք է հետապնդի իր սեփական, այլ ոչ թե Իսրայելի շահերը»։
Սաքսի խոսքով․ «Իսրայելցիները երբեք չեն փորձել դիմել դիվանագիտությանը և նրանց պատերազմատենչ քաղաքականության շարունակումը խոչընդոտ է խաղաղությանը։ Թրամփը կարող է կարևոր քայլ կատարել խաղաղության ուղղությամբ՝ ճանաչելով Պաղեստին պետությունը և աջակցելով նրա անդամակցությանը ՄԱԿ-ին»։
Քննադատելով Բայդենի վարչակազմի անվերապահ աջակցությունը Նեթանյահուին՝ Սաքսը նշել է, որ այդ աջակցությունն ԱՄՆ-ին մշտապես ներքաշել է պատերազմների մեջ։
Իսրայելին կոչ անելով դադարեցնել օկուպացիան և ստեղծել անկախ պաղեստինյան պետություն, Սաքսն ասել է․ «Առանց դրա արաբների հետ հարաբերությունների կարգավորումը հնարավոր չէ»։
Անդրադառնալով սիրիական ճգնաժամին և նեոկոնսերվատորների քաղաքականությանը, նա նշել է. «2011 թվականից ի վեր ամերիկյան միջամտությունը հանգեցրել է 14 տարվա կոտորածի»։
Սաքսի խոսքով՝ Մերձավոր Արևելքում կայունության հասնելու միակ ճանապարհը դիվանագիտությունն ու պաղեստինցիների իրավունքներին աջակցությունն է։