Ադրբեջանն ու Թուրքիան վարժանքներ կանցկացնեն Նախիջևանում

Ադրբեջանն ու Թուրքիան զորավարժություններ կանցկացնեն Նախիջևանում։ Այս մասին հայտնել է Ադրբեջանի պաշտպանության նախարարությունը։

Ադրբեջանա-թուրքական զորավարժությունները կրում են «Անխախտ եղբայրություն» անվանումը։ Վարժանքներին մասնակցելու համար թուրք զինծառայողները Նախիջևան են ժամանել։

Թուրքիան և Ադրբեջանը մեկ ամսում երկրորդ համատեղ զորավարժությունները կանցկացնեն։

Հրամանատարաշտաբային վարժանքները կանցկացվեն հունիսի 12-19-ը։ Պաշտոնական հայտարարության համաձայն՝ վարժանքներն ուղղված են համակարգվածության ամրապնդմանը, օպերատիվ հմտությունների կատարելագործմանը և «երկու եղբայրական բանակների» միջև ռազմավարական փոխգործակցության բարձր մակարդակի ցուցադրմանը։

arm.sputniknews