Սիոնիստ պատգամավոր. Իրանը դեռ կանգուն է և կարող է մեզ թիրախավորել
Pars Today - Սիոնիստական խորհրդարանի անդամը խոստովանեց Իրանի հզորությունը այս ռեժիմի հետ պատերազմի ավարտից հետո։
Ինչպես հաղորդում է Pars Today-ը՝ հղում անելով Mehr գործակալությանը, երեքշաբթի օրը իսրայելցի պատգամավոր Ամիթ Հալևին խոստովանել է. «Պետք է ասել, որ Իրանի համակարգը շարունակում է կանգուն մնալ, և այս երկիրը դեռևս ունի բազմաթիվ հրթիռներ, որոնք կարող են մեզ թիրախավորել»։
Իսրայելի բանակի պահեստազորի գեներալ Յոմ Սամիան նույնպես նշել է. «Իրանն իրավիճակը վերահսկողության տակ վերցրեց և որոշեց հրադադարի ժամանակը»։
Այս կապակցությամբ Իսրայելի նախկին նախարար և «Մեր տունը Իսրայելն է» կուսակցության ղեկավար Ավիգդոր Լիբերմանն ասել է. «Հստակ համաձայնագրի բացակայության դեպքում հրադադարը մեզ կտանի ևս մեկ պատերազմի՝ առաջիկա երկու-երեք տարիների ընթացքում և շատ ավելի վատ պայմաններում»։
Լիբերմանը հավելեց, որ Իրանը չի ցանկանում դադարեցնել ուրանի հարստացումը և իր համար հրթիռների արտադրությունը։
Նա Բեեր Շեբա քաղաքում իրանական հրթիռի հարվածն համարեց շատ ցավոտ և դառը, միևնույն ժամանակ պնդելով, որ Իսրայելը այս պատերազմում զգալի ռազմական նվաճումների է հասել։
Իսրայելական «12-րդ ալիք» հեռուստաընկերությունը նույնպես հաղորդել է. «Իսրայելում կատարված գնահատականները ցույց են տալիս, որ Իրանը դեռևս չի օգտագործել իր հեռահար և վտանգավոր զենքերը՝ ծանր հրթիռներ, որոնք կրում են մեկ տոննայից ավելի պայթուցիկ նյութեր, և թևավոր հրթիռներ, որոնց դժվար է հետևել և որսալ»։
