Ստամբուլում ձերբակալվել են «Գյուլենական շարժում» կոչվող խմբակցության 28 գործակալներ
Ստամբուլի ոստիկանությունը ձերբակալել է Անկարայի կառավարությունը տապալելու փորձ կատարելու մեջ մեղադրվող Գյուլենի շարժման 28 գործակալների:
ԻՌՆԱ լրատվական գործակալության հաղորդման համաձայն Ստամբուլի դատախազությունն արձակել է Ֆաթհուլլահ Գյուլենին մոտ կանգնած ամենահայտնի իսլամամետ ձեռներեցներից մեկի ձերբակալման վճիռը:
Ստամբուլի ոստիկանությունը հայտարարել է.«Այս գործողությունը 9 ամիս տևած աշխատանքի՝ հետապնդումների և տեղեկությունների հավաքագրման արդյունք է: Գործողության առանցքը եղել է Ստամբուլը և միաժամանակ Ստամբուլ, Կայզեր, Կոնիա և Մուղլա քաղաքներում տեղի են ունեցել այդ գործողությունները»:
«Հուրիեթ» օրաթերթի լրատվական և վերլուծական կայքը գրել է.«Այս ծավալուն գործողության ընթացքում ձերբակալվել են 28 հոգի, որոնցից 6-ը կանայք են: Եվս 23 հոգու ձերբակալման համար գործողությունները շարունակվում են:
Թուրքիայի կառավարությունը ԱՄՆ-ում բնակվող «Լույսի համայնք» շարժման ղեկավար Ֆաթհուլլահ Գյուլենին համարում է՝ «Արդարություն և զարգացում» կուսակցության գլխավորած կառավարության դեմ հեղաշրջման նախագծողը:
Թուրքիայի նախագահ Ռեջեբ Թայիբ Էրդողանը նույնպես Ֆաթհուլլահ Գյուլենի աջակիցներին այդ երկրի ազգային անվտանգությանն ուղղված լուրջ սպառնալիք է համարում:
