Հյուսիսային Կորեան զորահանդես է անցկացրել՝ ցուցադրելով իր նոր միջմայրցամաքային հրթիռը

Հյուսիսային Կորեայի առաջնորդ Կիմ Չեն Ընը հսկել է նոր միջմայրցամաքային բալիստիկ հրթիռի ցուցադրման մեծ զորահանդեսը, որը տեղի է ունեցել միջազգային պաշտոնյաների առջև։

Այս մասին հայտնում է Reuters-ը՝ հղում անելով տեղի պետական լրատվամիջոցին:  

Զորահանդեսը նշանավորել է իշխող Աշխատավորական կուսակցության հիմնադրման 80-ամյակը:  

Տոնակատարությանը մասնակցելու նպատակով Փհենյան են ժամանել Չինաստանի վարչապետ Լի Ցյանը, Դմիտրի Մեդվեդևի գլխավորությամբ պատվիրակություն Ռուսաստանից, ինչպես նաև Վիետնամի կոմունիստական ​​կուսակցության ղեկավար Տո Լամը:

 Զինվորական շքերթի ժամանակ միջուկային զենք ունեցող Հյուսիսային Կորեան ցուցադրել է իր գերժամանակակից Hwasong-20 միջմայրցամաքային բալիստիկ հրթիռը: