ԱՄՆ-ն ջանքեր է գործադրում Ուկրաինայի բնական պաշարների շահագործման ուղղությամբ
ԱՄՆ կառավարությունը նոր քայլ է արել Ուկրաինայի բնական պաշարների նպատակային շահագործման ուղղությամբ։ Տարածված հայտարարության մեջ ԱՄՆ կառավարությունն ընկերություններին և փորձագետներին խնդրել է ներկայացնել իրենց ռազմավարություններն ու առաջարկները այդ կապակցությամբ։
Այս գործողությունը ձեռնարկվում է Վաշինգտոնի և Կիևի միջև 2025 թվականի ապրիլին կնքված համաձայնագրի շրջանակներում. համաձայնագիր, որը կենտրոնանում է ուկրաինական կենսականորեն կարևոր հանքանյութերի մշակման և արդյունահանման, ինչպես նաև ԱՄՆ մատակարարման շղթայի ամրապնդման վրա:
Ըստ այդ համաձայնագրի՝ Միացյալ Նահանգները կունենա արդյունահանված արտադրանքի գնման առաջնահերթության իրավունք, և ներդրումները կիրականացվեն համատեղ՝ կառավարման և բաժնետոմսերի 50-50 հարաբերակցությամբ: ԱՄՆ կառավարությունը հայտարարել է արդյունահանման առաջնահերթությունների սահմանման, Ուկրաինայի հանքարդյունաբերության ծերացող ոլորտի արդիականացման և ԱՄՆ մասնավոր հատվածի դերի բարձրացման հիմնական նպատակի մասին՝ կարճաժամկետ և երկարաժամկետ ներդրումներում:
Ծրագրերն իրականացվում են «Վերակառուցման ներդրումային հիմնադրամի» շրջանակներում. ԱՄՆ զարգացման ֆինանսական կորպորացիայի (DFC) և Ուկրաինայի կառավարության համագործակցությամբ ստեղծված հիմնադրամը նախատեսված է կենսականորեն կարևոր հանքանյութերի, ածխաջրածնային ռեսուրսների արդյունահանման և դրանց հետ կապված ենթակառուցվածքների զարգացման համար առաջնային ռեսուրսներ ապահովելու համար: Այս շրջանակներում նախատեսված 10-ամյա ներդրումը ներառում է նաև ԱՄՆ ռազմական օգնությունը՝ որպես Վաշինգտոնի ներդրման մաս։
Վերլուծաբանները սա համարում են ռազմական աջակցությունն Ուկրաինայի բնական պաշարներին ռազմավարական հասանելիության վերածելու հստակ փորձ, մոտեցում, որը Դոնալդ Թրամփը նկարագրել է որպես Բայդենի վարչակազմի կողմից տրամադրված օգնության դիմաց հատուցում։