Կարակասի պատասխանը Թրամփին ՄԱԿ-ում
Pars Today - ՄԱԿ-ում Վենեսուելայի ներկայացուցիչը դատապարտելով Թրամփի պնդումը, թե այդ երկրի տարածքն ու նավթային պաշարներն ԱՄՆ-ի են պատկանում, զգուշացրեց, որ հին գաղութատիրության դարաշրջանն ավարտվել է։
Գաղութատիրության դեմ պայքարի միջազգային օրվա առթիվ ՄԱԿ-ի նիստը դարձավ Սպիտակ տան քաղաքականության դատապարտման կենտրոն: ՄԱԿ-ում Վենեսուելայի մշտական ներկայացուցիչ Սամուել Մոնկադան ԱՄՆ նախագահի վերջին հայտարարությունները, որը կոչ էր արել անհապաղ հանձնել Վենեսուելայի նավթային պաշարները, որակեց որպես նողկալի վիրավորանք և մարդկային քաղաքակրթության բոլոր նորմերի խախտում: Հայտարարելով, որ Թրամփը մտադիր է պատմության ժամացույցը հետ շրջել և Վենեսուելան կրկին գաղութի վերածել, Մոնկադան ասել է. «Աշխարհի ոչ մի իրավական միջոց չի կարող լռել այս հրեշավոր հայտարարության առջև։ Գաղութատիրությունը ագրեսիայի հանցագործություն է, և Թրամփի վարչակազմը քաոս և ավերածություններ է պարտադրում միջազգային հարաբերություններին»։