Վաշինգտոն Փոստ. Իրանի կանխարգելող ուժը ստիպեց Վաշինգտոնին զսպվածություն ցուցաբերել
ԱՄՆ մի լրատվամիջոց հաղորդել է, որ մի շարք գործոններ, այդ թվում՝ Իրանի զսպող ուժը, Իսլամական Հանրապետությանը ներքին և տարածաշրջանային աջակցությունը, ինչպես նաև ԱՄՆ զինված ուժերի սահմանափակումները գործողություններ իրականացնելու հարցում խանգարել են Վաշինգտոնի վարչակազմին Իրանի դեմ որևէ ռազմական արկածախնդրության:
Ըստ «Վաշինգտոն Փոստ»-ի՝ Դոնալդ Թրամփը և նրա ազգային անվտանգության թիմը քննարկել են ռազմական տարբերակներ, բայց, ի վերջո, հրաժարվել են այդ ուղուց, երբ պարզ են դարձել ծախսերը և լայնածավալ հետևանքները:
Հաղորդագրության մեջ հավելվում է, որ ԱՄՆ պաշտոնյաների հիմնական մտահոգությունը Իրանի արձագանքի անկանխատեսելիությունն էր և Արևմտյան Ասիայի տարածաշրջան հակամարտության տեղափոխվելու հնարավորությունը: Պենտագոնի պաշտոնյաները գնահատել էին, որ ԱՄՆ ռազմական ուժը բավարար չէ Իրանի կողմից լայնածավալ հակահարվածին դիմակայելու համար, և որ ցանկացած ռազմական գործողություն կարող է վտանգել տարածաշրջանում տեղակայված տասնյակ հազարավոր ամերիկացի զինվորների կյանքը: Բացի այդ, 12-օրյա պատերազմի փորձը և Իսրայելի պաշտպանական համակարգերի լայնածավալ օգտագործումը կասկածներ են առաջացրել նոր հակամարտության հաջողության վերաբերյալ:
Ինչպես հաղորդում է Pars Today-ը՝ հղում անելով Mehr-ին, Washington Post-ը գրել է, որ ներքին և արտաքին ճնշումները նշանակալի դեր են խաղացել Թրամփի նահանջի մեջ: Տարածաշրջանում ԱՄՆ հիմնական դաշնակիցները, այդ թվում՝ Սաուդյան Արաբիան, Կատարը և Եգիպտոսը, կապ են հաստատել Սպիտակ տան հետ և կոչ են արել զսպվածություն ցուցաբերել և դիվանագիտական լուծումներ փնտրել, քանի որ մտահոգված են անկայունության սրմամբ և դրա տնտեսական ու անվտանգության հետևանքներով։
Ամերիկյան լրատվամիջոցները նույնպես մատնանշել են այս նահանջի քաղաքական հետևանքները՝ գրելով, որ Թրամփի դիրքորոշման փոփոխությունը շփոթեցրել է նրա որոշ խորհրդականների և հիասթափեցրել իրանցի ընդդիմադիրներին: Տեղեկացված աղբյուրների համաձայն՝ հետախուզական և ռազմական հաղորդագրություններ ստանալուց հետո Թրամփը եզրակացրել է, որ Իրանի վրա հարձակումը ոչ միայն չի հանգեցնի ռեժիմի փոփոխության, այլև Միացյալ Նահանգներին կկանգնեցնի ծանր տնտեսական, անվտանգության և ռազմավարական ծախսերի առջև: Washington Post-ը եզրակացրել է, որ Իրանի զսպման կարողությունը և տարածաշրջանային նկատառումները հիմնական գործոններն են, որոնք Վաշինգտոնին ստիպել են զսպվածություն ցուցաբերել: