Սոմալիին պարենային օգնությունը կարող է դադարեցվել մի քանի շաբաթվա ընթացքում

ՄԱԿ-ի պարենի համաշխարհային ծրագիրը հայտարարել է որ Սոմալիին սննդի օգնությունը կարող է մինչև ապրիլ դադարեցվել, եթե նոր ֆինանսավորում չապահովվի:

Այս մասին հայտնում է Reuters-ը:

Պարենի համաշխարհային ծրագիրը հայտարարել է, որ մոտ 4.4 միլիոն մարդ բախվել է ճգնաժամային մակարդակի պարենային անապահովության, նրանցից գրեթե 1 միլիոնը տառապում է խիստ սովից:

«Ընտանիքները կորցրել են ամեն ինչ, և շատերն արդեն իսկ գտնվում են ճգնաժամի եզրին։ Առանց հրատապ պարենային աջակցության՝ պայմանները արագորեն կվատթարանան», - ասել է ծրագրի արտակարգ իրավիճակներին պատրաստվածության և արձագանքման տնօրեն Ռոս Սմիթը։

Սոմալիում նոյեմբերին երաշտի պատճառով արտակարգ դրություն է հայտարարվել: