Եվրամիությունում դժգոհ են Թուրքիայից
Թուրքիան դեռեւս պետք է իրականացնի Եվրամիության հետ ռեադմիսիայի մասին համաձայնագիրը, որպեսզի եվրոպական երկրներին հնարավորություն ընձեռի հետ ուղարկել թուրքական քաղաքացիություն չունեցող անձանց:
Այս ձգձգումները կասկածի տակ են դնում միգրանտների հարցով ավելի խոշոր համաձայնագիր իրականացնելու հարցում Թուրքիայի հավատարմությունը:
Այսպես կոչված, ռեադմիսիայի մասին համաձայնագրի իրականացման ձգձգումը գլխացավանք է Եվրահանձնաժողովի եւ Եվրամիության համար, որոնք ցանկանում են այն գործողության մեջ տեսնել:
Համաձայնագիրը վերաբերում է այն անձանց, որոնք ապաստան չեն փնտրում եւ փախստական չեն, բայց Թուրքիայից ԵՄ տարածք են ժամանել:
Ըստ EUobserver-ի, Թուրքիայի խորհրդարանը հունիսի 1-ին հավանության է արժանացրել համաձայնագիրը: Բայց այն դեռեւս պետք է հաստատի Թուրքիայի Նախարարների խորհուրդը:
Եվրահանձնաժողովում կարծում են, որ որոշումը պետք է ընդունվի արագացված կարգով:
