New York Times․ տնտեսական ճնշումը նույնպես չի ստիպի Իրանին նահանջել

New York Times-ն անդրադարձել է Իրանի նկատմամբ ճնշման քաղաքականության ձախողմանը։ Թերթը գրել է, որ վեց ամիս անց Իրանի Իսլամական Հանրապետությունը ոչ միայն պահպանել է իր դիրքերը, այլև ավելի հզորացել, իսկ ռազմական գործողությունները տնտեսական պատերազմի փոխարինելու Վաշինգտոնի փորձը, ամենայն հավանականությամբ, չի փոխի Թեհրանի ռազմավարությունը։

Ինչպես հաղորդում է Pars Today-ը՝ վկայակոչելով IRIB-ն, New York Times-ը նշել է, որ Իրանի նկատմամբ ԱՄՆ-ի նպատակները շարունակում են անորոշ մնալ, և ավելի ու ավելի դժվար է թաքցնել Վաշինգտոնի ձախողումը՝ Թեհրանին իր պահանջներն ընդունել պարտադրելու հարցում։

Թերթը նաև գրել է, որ Իրանը գործնականում վերահսկում է Հորմուզի նեղուցը, ամրապնդել է իր տարածաշրջանային ազդեցությունը, իսկ մի շարք երկրներ ձգտում են վերականգնել հարաբերությունները Թեհրանի հետ։

New York Times-ի փոխանցմամբ՝ տնտեսական ճնշման սաստկացումը, պատերազմի հետ կապված ծախսերի հետ մեկտեղ, վնասում է ԱՄՆ-ի հեղինակությանը դաշնակիցների շրջանում, ինչպես նաև Թրամփի՝ որպես թանկարժեք պատերազմներին դեմ նախագահի կերպարին։ Ըստ թերթի՝ այս ամենն ավելի է ընդգծում Վաշինգտոնի «առավելագույն ճնշման» քաղաքականության անարդյունավետությունը։