ԱՄՆ-ի պատժամիջոցները չկարողացան դադարեցնել Իրանի չվերթները
Մինչ ԱՄՆ-ը, Իրանի ավիափոխադրումների ոլորտի նկատմամբ ճնշումն ուժեղացնելու նպատակով, պատժամիջոցներ է սահմանել իրանական 27 ավիաընկերությունների նկատմամբ, «Իմամ Խոմեյնի» միջազգային օդանավակայանի գլխավոր տնօրենը հայտարարել է, որ այդ պատժամիջոցները մինչ այժմ նույնիսկ մեկ չվերթ չեն դադարեցրել։
Pars Today-ը, «Մեհր» գործակալությանը հղում անելով, հայտնում է, որ Ռամին Քաշեֆ-Ազարը նշել է՝ ոչ մի ավիաընկերություն կամ նպատակակետ հանդիսացող երկիր չի ներկայացրել չվերթը չեղարկելու պահանջ, և թռիչքները շարունակվում են ըստ նախատեսված ժամանակացույցի։ Նրա խոսքով՝ ավելի քան 40 ուղղություններով չվերթներ են իրականացվում դեպի հարևան երկրներ, Հնդկաստան, Չինաստան, Թաիլանդ, ԱՊՀ և Կովկասի երկրներ։
Քաշեֆ-Ազարն ընդգծել է, որ մինչ այժմ ԱՄՆ-ի նոր պատժամիջոցների պատճառով չվերթների չեղարկման կամ դադարեցման որևէ դեպք չի արձանագրվել։