Տոկիոյում ընտրվել է պատմության մեջ առաջին կին քաղաքապետը

Ճապոնիայի մայրաքաղաք Տոկիոյում ամփոփվել են քաղաքապետի ընտրությունների արդյունքները, որոնց համաձայն, պատմության մեջ առաջին անգամ այս մեգապոլիսը ղեկավարելու է իգական սեռի ներկայացուցիչ:

Ինչպես հայտնում է The Guardian-ը, Տոկիոյի քաղաքապետի պաշտոնում է ընտրվել պաշտպանության նախկին նախարար Յուրիկո Կոիկեն, ով նախընտրական քարոզարշավի ընթացքում խոստացել է 13.6 մլն մարդու համար տուն հանդիսացող քաղաքն անճանաչելիորեն վերափոխել դեպի լավը:
Այժմ հաղթած թեկնածուն պետք է սկսի նախապատրաստել քաղաքը 2020-ի Օլիմպիական խաղերին: 
Նշենք, որ Տոկիոյի նախկին քաղաքապետ Յոիտի Մասուձոեն հրաժարական է տվել հունիսին, երբ նրան մեղադրել են ֆինանսական անբարեխղճության մեջ: