ԵԱՏՄ Մաքսային օրենսգրքի մասին պայմանագիրը նախատեսվում է ստորագրել դեկտեմբերին
Եվրասիական տնտեսական միության (ԵԱՏՄ) Մաքսային օրենսգրքի մասին պայմանագիրը նախատեսվում է ստորագրել դեկտեմբերին: Այս մասին հայտնում է Բելառուսի Պետական մաքսային կոմիտեի մամլո ծառայությունը:
«ԵԱՏՄ անդամ-պետությունների կառավարություններին հանձնարարվել է ԵԱՏՄ Մաքսային օրենսգրքի մասին պայմանագրի նախագծի ներպետական համաձայնեցման իրականացում ապահովել մինչև սեպտեմբերի 20-ը՝ ելնելով 2016 թ. դեկտեմբերին Եվրասիական տնտեսական բարձրագույն խորհրդի նիստում դրա ստորագրման անհրաժեշտությունից»,- ասվում է հաղորդագրության մեջ:
Նշվում է, որ Եվրասիական տնտեսական հանձնաժողովի իրավասությունը զգալիորեն լրացված է մաքսային միության գործող մաքսային օրենսգրքով նախատեսված լիազորությունների համեմատ, ինչը հնարավորություն կտա ապահովել ճկուն միասնական մաքսային կարգավորում ԵԱՏՄ-ում:
1in.am/
19/8/2016