Գերմանիայի ՆԳ նախարար. Երկրում պոտենցիալ ահաբեկիչների թիվը հասել է գագաթնակետին
Գերմանիայում բռնություն գործադրելուն պատրաստ իսլամական ծայրահեղականների թիվը հասել է բոլոր ժամանակների ամենաբարձր ցուցանիշին:
Bild-ի հետ զրույցում այս մասին հայտարարել է Գերմանիայի ներքին գործերի նախարար Թոմաս դե Մեզյերը:
«Նրանք այն անձինք են, որոնց վերաբերյալ փաստացի ապացույցներ կան, որ կարող են քաղաքական պատճառներով լուրջ հանցագործություններ իրականացնել: Նրանց թիվն անցնում է 520-ից, որը նախկին ցուցանիշից շատ ավելի մեծ է»,- ասել է ՆԳ նախարարը: Նա նաեւ նշել է, որ ներկայումս իրավապահ մարմիններին հայտնի է մոտ 360 անձ, որոնք կարող են իսլամիստներին աջակցել հարձակումներ նախապատրաստելիս:
Դե Մեզյերն ընդգծել է, որ ներկա պահին ահաբեկչական սպառնալիքը բխում է ինչպես հանցավոր խմբերից, որոնք կարող են Գերմանիա ներթափանցել արտասահմանից, այնպես էլ մենակ գործող մոլեռանդներից:
News.am
