Հետազոտություն․ Գլոբալ տաքացումը կարող է Իսպանիան անապատի վերածել
Իսպանիայի հարավային մասը կարող է անապատ դառնալ։
Այսպես են ասում Էքս -Մարսել համալսարանի փորձագետները, որոնք հերթական հետազոտությունն են արել գլոբալ տաքացման թեմայով ու հանգել այն եզրակացության, որ մոլորակի վրա օդի ջերմաստիճանի այսքան սրընթաց բարձրացումը կարող է հանգեցնել նրան, որ Միջերկրական տարածաշրջանի մի մասը կվերածվի անապատի, հայտնում է Informing–ը։
Փորձագետների կարծիքով, եթե ջերմաստիճանը բարձրանա 2 աստիճանով, Պորտուգալիայի ու Իսպանիայի հարավը, նաեւ Մարոկկոյի, Թունիսի, Ալժիրի որոշ մասեր, Սիրիայի որոշ տարածքներ ու Թուրքիայի հարավը կարող են երաշտի սպառնալիքի առաջ հայտնվել։
Այդ տարածաշրջանում 19-րդ դարից սկսած՝ ջերմաստիճանը աճել է 1․3 աստիճանով, ինչը 0․85 աստիճանով բարձր է աշխարհում օդի միջին ջերմաստիճանից։
Գիտնականները հիշեցնում են, որ եթե այդ երկրների կառավարությունները չկրճատեն մթնոլորտային արտանետումները, ապա Միջերկրական տարածաշրջանի էկոհամակարգերը կխախտվեն։
News.am
