Քրիստոսի դամբարանն ուսումնասիրող գիտնականները պարզել են, որ այն անվնաս է մնացել

Երուսաղեմում՝ Տիրոջ գերեզմանի տաճարում, որտեղ 450 տարվա մեջ առաջին անգամ բացվել էր մարմարե պաշտպանիչ սալաքարը, Հիսուս Քրիստոսի դամբարանն ուսումնասիրող հնագետները պարզել են, որ Քրիստոսի դամբարանը անվնաս է մնացել, հայտնում է National Geographic-ը:

ՀԻշեցնենք, որ հոկտեմբերի 26-ին Երուսաղեմում՝ Տիրոջ գերեզմանի տաճարում, Հիսուս Քրիստոսի դամբարանը վերականգնող գիտնականները մի քանի դարերի ընթացքում առաջին անգամ մարմարե պաշտպանիչ սալաքարը հանել են այն քարի վրայից, որի վրա դրված է եղել Քրիստոսի մարմինը: Գիտնականները կհետազոտեն քարի մակերեւույթը, այն կարող են տեսնել նաեւ ուխտավորները:

Մասնագետների խոսքով՝ այժմ ընթանում է գերեզմանի վերականգնման կարեւոր փուլը: «Այս եզակի հուշարձանն ուսումնասիրելու մեր օգտագործած մեթոդները աշխարհին մեր ստացած արդյունքներին այնպես կտեղեկացնեն, ասես մարդիկ իրենք գտնվել են Քրիստոսի գերեզմանում»,- ասել է գիտնականներից մեկը:

Վերականգնումն իրականացնում են Աթենքի Ազգային տեխնիկական համալսարանի մասնագետները եւ  Հայաստանի փորձագետները: Աշխատանքները ֆինանսավորում են սրբավայրի նկատմամբ իրավունք ունեցող Ուղղափառ, Կաթոլիկ եւ Հայ առաքելական եկեղեցիները:

News.am