Աշխարհի բռնապետերը օգտվում են Իսրայելի լրտեսական ծառայություններից
Իսրայելական Սելեբրայթ(Cellebrite) ընկերությունը օգնում է աշխարհի 115 բռնապետական համակարգերին` իրենց ընդդիմադիրների անձնական տվյալների հասանելիության հարցում: Cellebrite ընկերությունն այն հեռահաղորդակցական ընկերություններից է ,որը անձնական էլեկտրոնային սարքերը, այդ թվում բջջային հեռախոսները կոտրելու հնարավորություն ունի:
Ինչպես հաղորդում է «Ղոդս Նեթ»լրատվական կայքը , Cellebrite ընկերության գործադիր պատասխանատու՝ Լեյոր Բեն-Պերեցն այդ մասին ասել է.«Երբ մի նոր բջջային հեռախոս մուտք է գործում շուկա, Cellebrite ընկերության 250 աշխատակիցներ օրեր կամ ամիսներ շարունակ փորձում են գտնել դրա թերությունները, որպեսզի կարողանան գտնել կոդն ու կոտրել այն»:
Բեն-Պերեցը հավելել է.«Cellebrite ընկերությունը կարող է հայտնաբերել նույնիսկ այն կարճ հաղորդագրությունները ,որոնք մի քանի տարի առաջ ուղարկվել ու այնուհետև մաքրվել են բջջային հեռախոսի հիշողությունից»:
Ըստ հաղորդման՝ ԱՄՆ Հետաքննությունների դաշնային բյուրոյի (ՀԴԲ) գրասենյակը Cellebrite ընկերության հետ գործարք կնքած լրտեսական գործակալություններից է համարվում:
Աշխարհի ավելի քան 115 երկրի լրտեսական գործակալությունների հետ Cellebrite ընկերության համագործակցությունը մտահոգել է մարդու իրավունքների պաշտպաններին:
