Թրամփի փեսան ֆինանսավորում է իսրայելյան քաղաքավանների կառուցումը
«Ղոդս Նեթ» լրատվական գործակալությունն ուրբաթ օրը հղում կատարելով «Սքայ Նյուզ» հեռուստակայանին հաղորդել է. «ԱՄՆ-ի նորընտիր նախագահ Դոնալդ Թրամփի փեսայի Ջարեդ Քուշների ընտանիքը վերջերս Հորդանան գետի արևմտյան ափում քաղաքավանների կառուցման համար մեծ գումար է նվիրաբերել Իսրայելին»:
Թրամփը նույնպես պաշտպանել է Իսրայելին և հայտարարել է, որ ջանք է գործադրելու իսրայելցիներին ու պաղեստինցիներին բանակցության սեղանին բերելու ուղղությամբ և այդ նպատակով միջնորդ խումբ է ստեղծելու:
Իսրայելցիների ու պաղեստինցիների միջև միջնորդ խմբի նախագահությունը հավանաբար ստանձնելու է Ջարեդ Քուշները:
«Սքայ Նյուզ»-ն այս հաղորդման ընթացքում հայտարարեց. «Քուշների ընտանիքը կառավարում է բարեգործական մի հաստատություն, որի հարկային փաստաթղթերի քննարկումն ապացուցում է, որ վերջինս մի քանի հարյուր միլիոն դոլար նվիրել է Իսրայելին, որի խոշոր մասը փոխանցվել է քաղաքավաններ կառուցող հաստատություններին, այդ թվում «Իսրայելի բանակի բարեկամներ» կազմակերպությանը»:
Սիոնիստական «Հաարեց» օրաթերթը գրել է. «Քուշների ընտանիքը ֆինանսավորում է Հորդանան գետի արևմտյան ափի քաղաքավանների ու հատկապես «Յեթցհար» քաղաքավանի կառուցումը, որի բնակիչները շարունակաբար հարձակում են իրականացնում պաղեստնինցիների դեմ»:
