Մամուլի տեսություն 24-12-2016
Հայրենիքի պաշտպանություն ՝ դա բոլորի ուսերին դրված պարտականություն էր: Ութ տարիների ընթացքում նահատակվել են 44 իրանահայ զինվորներ, զոհվել են նաև 26 շարքային քաղաքացիներ , չորս զինծառայողներ անհետ կորել են:
«Իրան»
«Խաղաղություն ամենեցուն» Քրիստոսի ծննդյան տոներին հայերն այսպես են խաղաղություն մաղթում աշխարհին
Իրանահայությունը ՝ մեծ դերակատարություն է ունեցել հայրենիքի պաշտպանության ու շինության գործում
«Խաղաղություն ամենեցուն» Հիսուս Քրիստոսի բարեբաստիկ ծննդյան օրը իրանահայերն իրենց բարեմաղթանքներով միանում են բոլորին ՝ աշխարհին խաղաղություն մաղթելով: «Իրան» օրաթերթի թղթակիցը հանգամանորեն անդրադարձել է Իրանի պաշտպանության ու շենության հարցում իրանահայերի ունեցած մեծ ու կարևոր դերակատարությանը: Սրբազան պաշտպանության տարիներին հայերը թև ու թիկունք են եղել մյուս իրանցիներին: Հայրենիքի պաշտպանությունը ՝ դա բոլորի ուսերին դրված պարտականություն էր: Ութ տարիների ընթացքում նահատակվել են 44 իրանահայ զինվորներ, զոհվել են նաև 26 շարքային քաղաքացիներ , չորս զինծառայողներ անհետ կորել են: Պարտադրյալ պատերազմի տարիներին իրանահայերն ունեցել են 35 ազատամարտիկներ և 108 անձնուրացներ:
Իսլամական խորհրդարանում Թեհրանի և հյուսիսային իրանահայության պատգամավոր ՝ Կարեն Խանլարյանի խոսքերով, իրանահայերը մշտապես հավատարիմ են մնացել հայրենիքին: Իրանահայերը մեծ թվով նահատակներ են ունեցել: Սա ինքնին վկայում է , որ հայերն ունեն պարտքի զգացում: Հայրենիքին նվիրաբար ծառայել են նաև հայ արհեստավորները:
ԻՌՆԱ
Իրանի նախագահի կովկասյան արդունավետ այցը
Իրանական մամուլը հանգամանորեն անդրադարձել է ԻԻՀ նախագահ Հասան Ռոհանիի հայաստանյան այցի արդյունքներին:
«Արման» օրաթերթ
Իրանի նախագահի պաշտոնում Հասան Ռոհանիի պաշտոնավարման տարիներին, կառավարության օրակարգում է եղել երկրի զարգացումը: Այդ ուղղությամբ քայլելու հնարավորություն այսօր է ստեղվել: Անցյալ շաբաթ նախագահը Միջին Ասիայի երեք երկրներ է այցելել:
«Իրան» օրաթերթ
Տարածաշրջանային երեք երկրներ Իրանի նախագահի այցն ավարտվել է ուրբաթ օրը: ՀՀ մայրաքաղաքից հետո, իրանի նախագահը մեկնել է Ղազախստան, որից հետո ՝ Ղրղզստան: Տարածաշրջանային սեղմ շրջագայության արդյունքում, ստորագրվել են 15 հուշագրեր :
«Ֆարհիխթեգան» օրաթերթ
Իր շրաջագայության ընթացքում, Իրանի նախագահի առանցքային կարգախոսը եղել է ՝ բանակցության միջոցով հակամարտություններին վերջ դնելու սկզբունքը : Մյուս կողմից ահաբեկչության ու ծայրահեղականության դեմ պայքարն է եղել բանակցությունների շրջագծում:
«Ռեսալաթ»
ԱՄՆ-ի և Չինաստանի հարաբերությունների անորոշ հեռանկարը
Դոնալդ Թրափմի քայլերի պատճառով, բազմաթիվ անորոշություններ են հայտնվել ԱՄՆ-Չինաստան հարաբերություններում: Թվում է , որ Թրամփի աշխատանքը սկսելով, բարդանալու են երկու երկրի հարաբերությունները: Չինաստանի ԱԳ նախարարի խոսքերով, եթե կողմերը հաշվի առնեն իրենց գլխավոր շահերը, ապա այդ ոնորոշությունները հնարավոր կլինի վերացնել: Չինաստանի ԱԳ նախարարի ասածով, Թրամփի ընտրվելուց հետո, Չինաստանի նախագահը հեռախոսազրույց է ունեցել ԱՄՆ-ի նորընտիր նախագահի հետ, որն ինչպես Վանգ Յին է նկատել, դրական քայլ է համարվում երկու երկրի հարաբերությունների բարելավման համար: Նա ի դեպ չի բացառել, որ առաջիկայում երկու երկրի հարաբերություններում բարդություններ են լինելու, սակայն գետի ճանապարհին դրված քարերը չեն կարող խանգարել հասնել ծովին: ԱՄՆ-Չինաստան հարաբերություններում հաղթանակ-հաղթանակ ձևաչափին հնարավոր կլինի հասնել միայն այն ժամանակ, երբ կողմերը կհարգեն միմյանց և հաշվի կնստեն ոչ միայն սեփական, այլև մյուս կողմի շահերի հետ:
galatv.am
ՌԴ դեսպանին գնդակահարած մարդասպանի «բերանը փակե՞լ են»
«Դեկտեմբերի 21-ին տեղեկատվություն տարածվեց, որ Թուրքիայում ՌԴ դեսպան Անդրեյ Կառլովի սպանության պատասխանատվությունը ստանձնել է «Ան-Նուսրայի ճակատ» կազմակերպությունը, սակայն ավելի ուշ պարզ դարձավ, որ այդ հայտարարությունը կեղծ է»,- գրում է թուրքական Hurriyet Daily News պարբերականի հրապարակախոս Մուրատ Էթկինը:
«Նման ահաբեկչական կազմակերպությունները սովորաբար ձգտում են հնարավորինս շատ մարդկանց սպանել: Այս դեպքում մարդասպանի միակ թիրախը եղել է ռուսաստանցի դեսպանը: Դատարկելով գրեթե ամբողջ փամփշտակալը, մարդասպանը խնդրել է ներկաներին հեռանալ տարածքից՝ հայտարարելով, որ նրանց դեմ որեւէ բան չունի: Դա սալաֆիթ-ջիհադիստներին ոչ բնորոշ մեթոդ է»:
«Տեսագրություններն ուսումնասիրելուց հետո պարզ է դարձել, որ ցուցահանդեսի անցկացման սրահում եղել է ինչ-որ մեկը, ով կատարել է հրահանգիչի կամ հարձակման հսկիչի դերը: Մինչ որոշակի պահը, մյուս ոստիկան-պահնորդների նման, մարդասպանը կանգնած է դեսպանի թիկունքի ետեւում: Որոշակի պահի նա հապճեպ շարժվում է եւ կոչեր բղավելով կրակում դիվանագետի ուղղությամբ: Փամփուշտների մեծ մասը նա կրակել էր, եւ համոզվելով, որ դեսպանն արդեն մահացած է, մարդասպանը չի շտապում արագ փախչել: Թվում է՝ նա հրահանգիչից հավաստիացում էր ստացել, որ իրեն ոչինչ չի պատահի»,-նշում է հոդվածագիրը:
«Թուրքական հատուկ ծառայությունները ենթադրում են, որ 95% հավանականությամբ մարդասպան Մեւլութ Մերթ Ալթինթաշը ոստիկանությունում աշխատելու համար հավաքագրվել է իսլամիստ-քարոզիչ Գյուլենի աջակիցների կողմից, իսկ ավելի ուշ ցուցում է ստացել կեղծակերպվել որպես մեկ այլ իսլամիստական կազմակերպության համակիր»:
«Հատուկ ծառայությունները նաեւ հետաքննում են այն վարկածը, որ մարդասպանի «բերանը փակել է» հատուկ ծառայության աշխատակիցներից մեկը, ով սրահ է մուտք գործել դեսպանի սպանությունից հետո: Մարդասպանը հաշվարկել էր, որ ձերբակալությունից հետո իրեն կփրկեն, հնարավոր է, փախուստի իմիտացիայի տարբերակով: Կա նաեւ հավանականություն, որ նրան սպանել է նույն գաղտնի կազմակերպության մեկ այլ անդամ, ով եղել է հատուկ ծառայախմբի կազմում»,-եզրափակում է թուրք հոդվածագիրը:
Աղբյուր՝ Hurriyet Daily News
Թարգմ.՝ Էդուարդ Մխիթարյան
